БЖБ ЖӘНЕ ТЖБ АЙТЫЛЫМ БӨЛІМДЕРІНДЕГІ СТУДЕНТТЕРДІҢ ДАЙЫНДЫҚ ДЕҢГЕЙІ МЕН ЖЕТІСТІКТЕРІНЕ ӨЗАРА БАҒАЛАУДЫҢ ӘСЕРІН ЗЕРТТЕУ

Аңдатпа

Бұл зерттеу Алматы қаласындағы, Наурызбай ауданындағы Назарбаев Зияткерлік мектебінде (НЗМ) ағылшын тілі шет тілі ретінде оқытылатын ортада Бөлім бойынша бағалау  (БЖБ) және Тоқсан бойынша бағалау (ТЖБ) емтихандарында айтылым бойынша өзара бағалаудың оқушылардың дайындық деңгейі мен жетістіктеріне әсерін зерттейді. Зерттеудің мақсаты – құрылымдалған өзара бағалау оқушылардың бағалау критерийлерін түсінуін арттырып, сөйлеу мазасыздығын азайтып, сөйлеу дағдыларын жақсарту денгейін анықтау. 8 және 10-сынып оқушыларымен дайындық сабақтарында БЖБ және ТЖБ рубрикалары негізінде құрылған кері байланыс кестелері қолданылды. Оқушылар бір-бірінің сөйлеу тапсырмаларын бағалап, кері байланыс беріп, бағалау критерийлерін талқылады. Олардың пікірлерін анықтау үшін онлайн сауалнамалар жүргізіліп, ағымдағы және бұрынғы емтихан нәтижелері салыстырылды.

Нәтижелер көрсеткендей, өзара бағалау сенімсіз оқушылардың белсенділігін арттырып, үлгерімі жоғары сыныптастарынан қолдау алуға мүмкіндік берді. Оқушылар кері байланыстың критерийлерді жақсы түсінуге, өзіне сенімді болуға және сөйлеу кезінде мазасыздықты азайтуға көмектескенін айтты. Сонымен қатар, кейінгі SAU/SAT нәтижелері жақсарғаны байқалды. Демек, өзара бағалау жоғары деңгейлі сөйлеу емтихандарына дайындық пен жетістіктерді арттырудың тиімді әрі үнемді әдісі бола алады.