Редакция саясаты

Осы редакциялық саясат Қазақстан Республикасы Ғылым және жоғары білім министрлігі «Ұлттық тестілеу орталығы» директорының бұйрығымен бекітілген және «Педагогикалық өлшемдер» ғылыми-практикалық журналы қызметінің негізгі регламенті болып табылады. Басылым Қазақстан Республикасы Мәдениет және ақпарат министрлігінде тіркелген (2025 жылғы 11 сәуірдегі №KZ54VPY00116912 куәлік) бейінді мерзімді ғылыми басылым болып табылады. Журнал Халықаралық ISSN орталығында 3105-4161 (online) нөмірімен тіркелген.

Журнал Қазақстан Республикасы Ғылым және жоғары білім министрлігінің Ғылым және жоғары білім саласындағы сапаны қамтамасыз ету комитеті ғылыми еңбектің  негізгі нәтижелерін жариялау үшін ұсынатын басылымдар тізбесіне кіреді  https://www.gov.kz/memleket/entities/quality/documents/details/520901?lang=ru.

Басылымның редакциялық саясаты ақпараттық ашықтық, ғылыми объективтілік және авторлық материалдардың кең зерттеушілер қауымдастығына қолжетімділігінің іргелі принциптеріне негізделген. Журнал педагогикалық өлшем, білім беру сапасын бағалау және инновациялық цифрлық технологиялар саласындағы түпнұсқалық теориялық және эмпирикалық зерттеулерді жариялау алаңы ретінде қызмет атқарады.

 

Ашық қолжетімділік, лицензиялау және халықаралық индекстеу саясаты

Басылым  https://testcenter-zhurnal.kz/ ресми сайтында қазақ, орыс және ағылшын тілдерінде нөмірлер мұрағаты мен нормативтік құжаттаманы еркін орналастыруды қамтамасыз ете отырып, ашық қолжетімділік үлгісін ұстанады. Контентке қол жеткізу үшін оқырмандардан ақы алынбайды.

Барлық материалдар Creative Commons Attribution-NonCommercial 4.0 International (CC BY-NC 4.0) халықаралық лицензиясының шарттарымен жарияланады, бұл авторларға авторлық құқықтарын сақтай отырып, журналға алғашқы жариялау құқығын беруге мүмкіндік береді.

Әлемдік ғылыми қауымдастыққа интеграциялану үшін әр мақалаға CrossRef жүйесі арқылы DOI халықаралық цифрлық идентификаторы және ҒТАМР индексі беріледі. Бұл жарияланымдардың жаһандық деректер агрегаторларында тиісті деңгейде көрінуіне кепілдік береді және халықаралық академиялық қауымдастықтың еңбектеріне дұрыс сілтеме жасауға ықпал етеді.

 

Редакция алқасы және басылымның мерзімділігі

Журнал тоқсан сайын шығады және қазақ, орыс немесе ағылшын тілдеріндегі қолжазбаларды қабылдайды. Мазмұнның жоғары ғылыми сапасын Web of Science және Scopus халықаралық дерекқорларында тұрақты жарияланым тәжірибесі бар жетекші қазақстандық және шетелдік ғалымдардан құралған редакция алқасы қамтамасыз етеді. Халықаралық ашықтықты қамтамасыз ету үшін авторлар туралы мәліметтер, аңдатпалар мен түйін сөздер үш тілде ұсынылады, ал пайдаланылған дереккөздер тізімі библиографияны ресімдеудің халықаралық стандарттарына (APA 7th ed.) сәйкес латын транслитерациясымен сүйемелденеді.

 

Құпиялылық және авторлық үлес регламенті

Редакция авторлардың құқықтарының сақталуына және жеке деректердің құпиялылығына кепілдік береді. Ашық қолжетімділікте тек академиялық мәліметтер: Т.А.Ә., аффилиация, ғылыми дәреже және ORCID идентификаторы ғана жарияланады. Басқа дербес деректер, оның ішінде байланыс телефондары, тек редакция алқасының мүшелері мен ұсынылған қолжазбалармен жұмыс істеутейтін, сонымен қатар журнал нөмірлерін құрастыруға тікелей қатысы бар Ұлттық тестілеу орталығының қызметкерлеріне ғана қолжетімді және жариялауға немесе үшінші тұлғаларға таратуға жол берілмейді.

Халықаралық тәжірибеге сәйкес, авторлар арнайы бөлімде зерттеуге қосқан жеке үлестерін нақты көрсетуге міндетті. Бұл басылымның ғылыми деңгейіне сәйкес келмейтін материалдарды іріктеу және қолжазбаларды қабылдамау құқығын өзіне қалдырады және басылымға автор ұсынған мәліметтердің дұрыстығына жауапты емес.

 

Зерттеу этикасы, мүдделер қақтығысы және ретракция

Редакция Жарияланымдар этикасы жөніндегі комитеттің (COPE) стандарттарын қатаң сақтайды. Эмпирикалық зерттеулердің нәтижелерін ұсыну кезінде авторлар экспериментке қатысушыларға қатысты этикалық нормалардың сақталуына, соның ішінде ақпараттандырылған келісім алуға кепілдік береді.

Жариялау процесінің барлық қатысушылары қорытындылардың объективтілігіне әсер ететін мүдделер қақтығысының жоқтығын мәлімдеуге міндетті. Академиялық адалдықтың өрескел бұзылуы, плагиат немесе қасақана жасалмаған қателер анықталған жағдайда, редакция мақаланы ресми түрде қайтарып алу (ретракция) немесе цифрлық мұрағатта тиісті жазбамен түзету туралы хабарламаны жариялау рәсімін бастайды.

 

Мақалаларды қарастыру және рецензиялау процедурасы

Қолжазбаны қарау үдерісі журнал профилі мен техникалық талаптарға сәйкестігін қамтамасыз ету үшін  алдын ала тексеруден (7 жұмыс күніне дейін) басталатын бірнеше маңызды кезеңдерді қамтиды. Міндетті кезеңдердің бірі – 75%-дан кем емес шекті көрсеткішпен Antiplagiat.Kazakhstan жүйесі арқылы түпнұсқалықты мұқият тексеру. Редакция жасырын плагиаттың кез келген түрін, шамадан тыс өзін-өзі дәйексөздеуді және жасанды интеллекттің генеративті үлгілерін рұқсатсыз пайдалануды қатаң түрде болдырмайды.

Жасанды интеллект арқылы толық немесе едәуір дәрежеде генерацияланған мәтіндерді тиісті әдіснамалық негіздемесіз ұсыну қолжазбаны қабылдамауға негіз болады. Мәтінмен техникалық манипуляциялар анықталған жағдайда мақала қайта ұсыну құқығынсыз кері қайтарылады.

Бағалаудың негізгі құралы – тәуелсіз сарапшылар жүргізетін екіжақты жасырын рецензиялау (2-4 апта) болып табылады. Жариялау туралы шешім рецензенттердің консенсусы негізінде қабылданады; қарама-қайшы пікірлер болған жағдайда үшінші сарапшы тартылады немесе мәселе редакциялық алқа отырысына шығарылады.

Авторларға ескертулерді түзету үшін екі аптаға дейін уақыт беріледі, түзетілмеген жағдайда қолжазба кезектен алынады. Мақала бекітіліп аяқталғаннан кейін журналдың ағымдағы санында сайтқа орналастырылады.

Жариялау ғылыми редакциялау, беттеу және цифрлық инфрақұрылымды қолдау шығындарын жабатын ақылы негізде жүзеге асырылады.

 

Цифрлық мұрағаттау және деректердің сақталу саясаты

Журнал барлық жарияланған материалдардың ұзақ мерзімді онлайн-қолжетімділігін қамтамасыз ету бойынша міндеттемелер алады. Осы стратегияны жүзеге асыру аясында түрлі орындарда мұрағаттық көшірмелердің үлестірілген желісін жасауға мүмкіндік беретін LOCKSS (Lots of Copies Keep Stuff Safe) халықаралық жүйесі қолданылады. Бұл шара ғылыми контенттің сақталуына және сайттың негізгі инфрақұрылымында техникалық ақаулар туындаған жағдайда да оған үздіксіз қол жеткізуге кепілдік береді.