ТӘЖІКСТАН РЕСПУБЛИКАСЫНДА ҰЛТТЫҚ ТЕСТІЛЕУ ЖҮЙЕСІН ДАМЫТУ

Аңдатпа

Мақалада Тәжікстан Республикасындағы ұлттық тестілеу жүйесінің дамуы бағалау жүйесін, білім беруді жаңғырту және халықаралық білім беру кеңістігіне кіру аясында қарастырылады. Тәжікстан Республикасының бағалау жүйесінің институционалдық құрылымы сипатталған, онда Ұлттық тестілеу орталығына (ҰТО) негізгі рөл берілген. Осы жүйенің дамуына байланысты негізгі қиындықтар атап өтілген. Оқушылар мен талапкерлердің білім деңгейі мен қабілеттерін бағалау саласындағы орталық буын ретіндегі Ұлттық тестілеу орталығының рөліне ерекше көңіл бөлінген. Тәжікстанның PISA және PIRLS халықаралық салыстырмалы зерттеулеріне қатысуы талданған. Ұлттық және халықаралық бағалау нәтижесінде алынған деректердің өте маңызды екендігі көрсетілген. Олар мемлекеттік білім беру стандарттарын, оқу бағдарламаларын, оқулықтарды және мұғалімдерді даярлау бағдарламаларын қайта қарау, сондай-ақ білім беру сапасын ұлттық мониторингілеу жүйесін құру үшін қолданылады. Бағалау жүйесін одан әрі дамытудың технологиялық және институционалдық бағыттары сипатталған, оның ішінде компьютерлік тестілеуге көшу, нәтижелердің бірыңғай ұлттық деректер базасын құру, интеллектуалды деректерді талдау әдістерін қолдану және тестология мен психометрия саласындағы ұлттық сарапшыларды даярлау қамтылған.